Terza pert dl iade te BISTRO. Chësc iade ves porta i colaboradus dl setur scientifich "Lingaz y dërt "  tl corpus talian-todësch-ladin, CLE.

Roda: diretamënter da osta scrivania da ćiasa o dal ofize, dala pröma plata de BISTRO, podëise descurì les desvalies opziuns de archirida y dötes les poscibilitês che le sistem pîta.

Scomenciamënt: chiride fora sön la pröma plata dl'EURAC Online services/Bistro o dede ite la adressa internet http://www.eurac.edu/bistro.
Dörada dl iade: tan die che orëis.

Acompagnadëssa: Isabella Ties

Iade te CLE
An po rové pormez al corpus dl'EURAC, CLE drucan le botun "archirida tl corpus" sön la pröma plata de BISTRO. Chilò pon dè ite tl cheder na parora por talian, todësch o ladin y chirì fora le lingaz.

Drucan le botun CLE rövun pro la maschera d'archirida olache an po dè dant:

• le idiom ba por badiot y gh por gherdëina
• l'abreviaziun dl test ( DELJ por deliberaziun dla junta de comun, DELC por deliberaziun dl consëi de comun, LP por lege provinziala, ORD por ordinanza y insciö inant);
• le ann (sce le test é gnü scrit dan le 2001 spo "< 01.01.2001", sce dô le 2001 spo "> 01.01.2001")
• le comun (Corvara, San Martin, Urtijëi y insciö inant).

Por odëi le cheder te n'atra finestra

Sce an drüca śëgn CLE spo chir le sistem düć i paragrafs che contëgn la parora che ëis chirì y i paragrafs che contëgn la traduziun ti atri lingać dl paragraf selezioné. Da mëteman ves gnaràl ma mostrè 5 resultać, cun la poscibilité de amplié le numer di resultać (20, 50, 500 LIMIT). Al é inće poscibl ordiné i resultać aladô dla data o dl comun.

Al medemo tëmp pon inće chirì plü de üna na parora, na parora taliana (da scrì tl cheder it) y na parora todëscia (da scrì tl cheder de).

Insciö ves mostrerà BISTRO düć i paragrafs che contëgn intramesdöes les parores chirides (p.ej. sce i chirun "urbanistica" y "Raumordnung", ves mostrerà BISTRO düć i paragrafs che contëgn tl talian "urbanistica " y tl todësch "Raumordnung"). Cösc é de gran ütl sce an chir parores che vëgn traslatades te desvalies manires.

Pur ejëmpl pon chirì düć i paragrafs che contëgn la parora taliana "urbanistica" y le paragraf olache ara é gnüda traslatada por todësch cun "Raumordnung" y nia cun "Urbanistik".

Por odëi le cheder te n'atra finestra

L'atra poscibilité de archirida é l'archirida cun les "espresciuns regolares". Cun les espresciuns regolares (tabela 1) pon fà desvalies archirides. Tla tabela dessot vëgnel portè dant n valgönes 'espresciuns regulares' cun la spligaziun.

Tabela 1: espresciuns regolares
Por odëi la tabela

Ejëmpl de archirida cun espresciuns regolares

Por odëi le cheder te n'atra finestra

Pro vigni paragraf ciafëise, le link al referimënt bibliografich dl test (p.ej. DELJ s_martin, 08.06.2003, n. 177), al test original 'V', ala funziun de anotaziun dl test TA y ala funziun de estraziun dles parores tecniches TE.

Cun la funziun Highlight a search phrase podëis chirì na parora ti resultać ciafà.

Por odëi le cheder te n'atra finestra

Cun cösta funziun pon atira ciafè fora tan de iadi che la parora todëscia 'Schule' é gnüda traslatada cun 'scola' y tan de iadi cun 'scora'.

Chilò se röia la terza pert de nosc BISTRO-tour. Le proscimo iade ves mostrarunse i strumenć de anotaziun dl test y de estraziun di terms che Bistro pîta.

Isabella Ties

11.10.2004