La realisaziun dl prinzip de dorada

Fora dles rajuns fondamentales él da lié na perspetiva por n svilup che döres. N svilup che döres é ma poscibl canche al vëgn dant a livel ecologich, economich y sozial. Porchël él te caji de svilup de un n vers dagnora da se fà la domanda sce na certa forma dl'adoranza dla spersa y dles ressurses, chël ô dì döta canta l'ativité economica, garantësces bëgn na fondamënta de vita azetabla por la porsona.

N svilup sozioeconomich armonich po dl ater vers ma gnì a se le dè ti limiã de pëis de n raiun dà dant naturalmënter. La dorada é da capì sciöche prozès che à da caraterisé döt le fà y l'agì sozial. Ara é porchël da intëne sciöche le tentatif costant de se arvijiné vare do vare ala dimenjiun ideala dl conzet.

Chësc se damana danfora la desponibilité fondamentala che la sozieté se svilupëies tresfora inant. La confrontaziun cun le raiun natural, la contrada, la cultura y la storia é avisa tan importanã sciöche les conescënzes che à da nen fà cun i conliamënã economics.
Aladô dl conzet de svilup urbanistich europeich (EUREK) é n svilup spazial de dorada lié ala acordanza dles rajuns economiches y soziales dla spersa cun sües funziuns ecologiches.