L proiet vuel crié na rei de contac per svilupé l bilinguism y daidé l polach sciche lingaz de mendranza tl raion de Czeski Cieszyn / Český Těšín (tla Republica Ceca).

Storia:

Tl imper di Habsburgeri fajova la cuntreda de Teschen (per todesch Teschen, per cech Těšín, per polach Cieszyn) pert dla Slesia Austriaca. Do la fin dla monarchia, la Polonia y la Cecoslovachia stritova per agn alalongia dl raion che ala fin ti gniva dé a la Cecoslovachia, ncuei féjel pert dla Republica Ceca. L cunfin va tres la zité che sun la pert polaca à inuem Cieszyn y sun chela ceca Český Těšín.

Tla pert ceca viv na mendranza polaca de zirca 40.000 abitanc, la jent rejona polach, cech y ence l dialet polach de Cieszyn.

Contegnù y fin dl proiet:

Deberieda cun partners dl luech vegn analiseda la situazion linguistica y legala dla mendranza polaca tl raion Czeski Cieszyn / Český Těšín.

I resultac dles enrescides y l barat d'esperienzes cun scienziei y espertes vegn spo scric su te na publicazion.

La colaborazion à trei priorités:

1. Encontedes de stude olache i partneri vijitea i raions Těšín/Cieszyn y Südtirol;

2. Publicazion de n articul de stude sun la situazion di lingac tl raion Těšín/Cieszyn; barat y trasferiment de esperienza tl ciamp dl plurilinguism;

3. idees per proiec de enrescida da fé deberieda.

4. Foto-documentazion

5. Prejentazion dl projet a Bulsan

Partneri:

Université de Ostrava

Euroregion Cieszyn/Slesia

Finanziament:

Region Autonóma Trentin-Südtirol

last update 5.9.2007