Bilinguism y multilinguism

Na realté sciöche chëra de Südtirol, dominada dala conviënza de trëi grups linguistics y culturai, é dër interessanta por le stüde dles carateristiches dl aprendimënt y dl contat linguistich. Ćiügn é pa i problems lià al aprendimënt de dui o de plü lingac? Ćiodì é pa un o l'ater miù da imparè n lingaz forest co n ater? Te ći manira po pa les tecnologies nöies alisiré l'aprendimënt linguistich?

Chëstes é n valgönes dles domandes plü importantes che le grup de inrescida „Bilinguism y multilinguism" prô da respogne, analisan les competënzes linguistiches, ćiaran dantadöt all'interaziun danter faturs psicolinguistics y faturs soziolinguistics. Infin, lauran fora material lesicografich nü por la descriziun y l'aprendimënt dl todësch, dl talian y dl lingaz talian di sëgns, vëgnel pité stromënc nüs por le stüde di lingac. 

Tres l'adoranza dles tecnologies nöies garantësc le barat cun la linguistica informatica implü ćiamò n sostëgn important tl aprendimënt linguistich y tla creaziun de material personalisé y saurì da adorè.

• ELDIT
  (dizionar eletronich talian-todësch)
• e-LIS
  (dizionar eletronich bilingual Talian-Lingaz Talian di Sëgns )
• Language Bridges
  (stüdi comparà y promoziun dl multilinguism tles regiuns europeiches de confin )
• KOLIPSI
  (inrescida linguistica y psicosoziala sön i studënć südtirolesc y le secundo lingaz)
• TĚŠÍN - CIESZYN (inrescida sön l lingaz polach sciöche lingaz de mendranza tla Republica Ceca)
• DeKo (stlüt jö)
  (stüde sön les conescënzes dl todësch di studënc taliagn de Balsan y Trënt)

I atri grups de inrescida dl Istitut é:

Comunicaziun spezialistica
Tecnologies dl lingaz

L'istitut pîta implü sorvisc te desvalîs seturs:

consulënza, insegnamënt, cooperaziun

last update 18.2.2008