Tla EURAC library, ciafunse la biblioteca d'inrescida dl'Eurac y la ECO library spezialisada ti ćiamps dl'ecologia y dl ambiënt.

Biblioteca d'inrescida
Chësta biblioteca é na biblioteca spezialisada che cöi adöm tesć publicà dan da püch sön i ćiamps de spezialisaziun di seturs scientifics.

Setur de inrescida linguistica aplicada
Setur de inrescida Mendranzes y Autonomies
Setur de inrescida Svilup Sostenibl
Setur de inrescida Management y Cultura d'aziun
Setur de inrescida Sciënzes dla Vita
 
Chëstes publicaziuns po ma gnì consultades dai utenć esterns.
Ara se trata de ca. 15.000 documënć y 300 revistes. Implü pon consulté banches dać sön CD–rom che contëgn les fontanes dl dërt talian, todësch y austriach.

ECO library
La Eco library, cun plü de 10.000 media (monografies, revistes, massmedia, CD-ROM y jüć), é la plü gran biblioteca spezialisada sön l'ecologia y l'ambiënt te Südtirol. I temesc tle documentà dal patrimone dla Eco library é:
la sconanza dla natöra y dl ambiënt, l'ecologia, le biofrabiché, le reziclaje
l'uticoltöra biologica y l'agricoltöra ecologica
l'alimentaziun sana y la medejina naturala
la pedagogia ambientala, le sport, i jüć y tröp deplü
Le material po gnì consulté y imprestè fora debann. Por les scores y les biblioteches vëgnel fat impresć speziai.

Orar de daurida
La biblioteca é daverta dal lönesc al vëndres, dales 9 ales 18. Les mudaziuns sön l'orar de daurida gnarà comunicades.
I sorvisc che la biblioteca pîta é debann. Al vëgn inće metü a desposiziun na stampanta.