L'EURAC, ponüda tl cör dles Alpes, à dötes les premisses por l'inrescida sön le teritore da munt y por l'inrescida sön les domandes liades al post de incuntada danter porsona y ambiënt.
Por ejëmpl:

• Da ći depënn pa le svilup sostenibil dl teritore da munt?
• Cares é pa les conseguënzes dles mudaziuns de adoranza de spersa sön la contrada?
• De ći messunse pa tignì cunt sce i orun sconè le teritore sensibl?

Le "svilup sostenibl dl teritore da munt" po gnì conscidré la rajun dominënta de düć i proieć de inrescida dl Istitut por l'Ambiënt Alpin. Avisa por chësta rajun podunse conscidré les inrescides

aplicades a problematiches concretes y adatades ales particolaritês dl teritore da munt,

•  internazionalessides por ći che reverda i partner y les colaboraziuns,
  co por ći che reverda les tematiches y i seturs scientifics conscidrà,
•  interdisciplinares por mirit de n grup de laûr motivé y spezialisé te ćiamps desvalis dl'ecologia, dl'economia y dla soziologia,
• inovatives
  ajache al vëgn apliché metodes inovatives (telerelevamënt, GIS, statistica multivariada, modelaziun)
• inserides tl contest regional por mirit de na bona colaboraziun cun i ënã locai y l'azetanza da pert dla popolaziun.
  

Les tematiches prinzipales va dal'analisa dl'adoranza de spersa dl teritore da munt al'inrescida sön le teritore de sconanza, ćina ala mosoraziun dla sostenibilité y ala prevenziun di dagns ambientai.
I resultać di proieć de inrescida vëgn publicà regolarmënter te folieć scientifics internazionai y presentà a congresc. Implü vëgn i resultaã publicà te monografies de ãiases edituries scientifiches sce ara se trata de resultać de importanza internazionala.
I proieć dl setur scientifich fej pert di programs de inrescida europeics (4. y 5. program cheder dl'EU, sciöche ECOMONT y SUSTALP), di programs regionai dl'EU (INTERREG-II, LEADER) y di programs europeics de mobilité, transfer y formaziun (proieć de formaziun di programs dl'EU sciöche SOKRATES y LEONARDO).